【明報專訊】無�走e晚假君悅酒店舉行《2008瑞士名錶展》晚宴，由徐淑敏、曹敏莉、周家蔚、葉翠翠及黃長興等十多名藝員，以Catwalk形式示範名表。當中曹敏莉及周家蔚成為全場最索雙嬌，性感養眼度十足，而「咪神」徐淑敏雖然戴上全場最貴，近200萬的贊助鑽飾，還是給比下來。

曹敏莉與黃長興一同接受訪問。對於緋聞女友的性感打扮，黃長興力撐表示：「不嬲咁靚，今次場合需要隆重些。」追問會否介意太過性感，只見長興不懂回應，由曹敏莉解圍說：「我媽咪都不介意啦，件衫是自己的，簡單才易襯托珠寶。」成為這晚最有睇頭女藝人？「那要看你睇的角度了﹗」有記者即問是否指黃長興的角度，在旁的黃長興即說無睇到，相當搞笑。

周家蔚笑言身上晚裝是公司提供，早前活動也穿過，今次有睇頭是因身材弗了，有些不同。緋聞男友洪天明有否過問？「問我媽咪才真，咁性感點算﹗」

徐淑敏表示自從台慶之後，未試過戴咁貴的首飾。至於男友有否送過鑽飾，她說：「未，不過女人始終要有鑽石守門口，現在家中收藏那粒未夠大。」如何才叫夠分量？「好似頸上那條才夠分量，成層樓價錢，貴過現時住那層。」

記者：梁榮達

攝影：孫華中