【明報專訊】財政司長曾俊華在預算案中透露，10號貨櫃碼頭選址可能有變，政府會研究在西南青衣選址的可能性，研究未見結果，卻被本港最大碼頭經營商和黃的主席李嘉誠「潑冷水」﹕「我看(香港) 根本20年內我睇都唔需要(建10號碼頭)。」

李嘉誠昨日直指香港現有碼頭的處理能力仍足以未來發展。「現在葵涌(碼頭)還有好多的(處理)能力，能夠處理貨櫃，增加700萬800萬(個貨櫃)，甚至1000萬都可以應付得到，只要政府肯在(堆場)用地可以擴大少少予行業，我看根本20年內我睇都唔需要(建10號碼頭)。」

料4年後港吞吐量三甲不保

他又對本港貨櫃碼頭業前景非常悲觀，坦言和黃在香港的碼頭生意，未來能維持今天的數據或略佳已經心滿意足，甚至預言4年內，本港作為全球第三大貨櫃港口的地位亦要讓位予深圳，「作為香港人都想香港好，但係有時是地理環境關係，廠在內地，如果外國入口的原料都係入去內地生產，出口亦都在內地，自然用內地碼頭一定方便，(深圳)鹽田又好，好多碼頭都係深水港，水深仲深過葵涌，自自然然不止話香港(貨櫃港)地位變成第3名啦……我睇差唔多4年左右，香港連第3位都不保」。

至於計劃多年的港珠澳大橋，李嘉誠指即使大橋落成，對本港貨櫃碼頭業幫助亦不大。「深圳去年(貨櫃碼頭吞吐量)數字應超過2000萬箱，香港現在(2007年)2400萬左右，深圳增長好快，亦繼續有碼頭起，你香港多多碼頭都無用，你話希望條(港珠澳)大橋起�髐妨寣A香港就多�瓥f運�薄A這個係一個美麗�鼣]想，第一呢，深圳又好，珠江同南沙，廣東省都有好多個泊位，在深圳都有好多個碼頭起緊，(內地碼頭)收費平過一箱運來香港�儮B費，同埋返去經過大橋的費用都平過(香港)，咁點解仲要運來香港呢？」